Covid19 - ജനറൽ ആശുപത്രിയിലെ നഴ്‌സിന്റെ അനുഭവക്കുറിപ്പ്
Proud to be a kasaragodian ❤️.....
ഇത് ഐഷാബി കാസര്‍ഗോഡ് ജനറല്‍ ആശുപത്രിയില്‍ കൊവിഡ് വാര്‍ഡില്‍ ഡ്യൂട്ടിയിലായിരുന്നു. ഇത്രയും ദിവസം അവരുടേ അനുഭവ കുറിപ്പാണ്
ആയിഷത്ത ഹൃദയം തൊട്ടൊരു സലൃൂട്ട്
ഇന്ന് എന്റെ ഒന്നാം ഐസൊലേഷൻ ദിവസം ആണ് ഇന്നലെ വരെ ഞാൻ മറ്റേതോ ലോകത്തു ആയിരുന്നു ... എന്നെ തന്നെ മറന്നു പോയ നിമിഷങ്ങൾ ആയിരുന്നു കടന്നു പോയത് .... ആദ്യം കാസർഗോഡ് ഹോസ്പിറ്റലിൽ ഒരു കൊറോണ രോഗി നിരീക്ഷണത്തിൽ വന്ന ദിവസം തന്നെ പേ വാർഡിൽ നിന്നും ആളുകളെ മാറ്റി ഐസൊലേഷൻ വാർഡ് ആക്കി മാറ്റി ... പിന്നെ അവർ 3 പേര് ആയി .. മൂന്നു പേരും നെഗറ്റീവ് ആണെന്ന് അറിഞ്ഞതോടെ ഡിസ്ചാർജ് ആയിപോയി ... അപ്പോഴും ഞങ്ങൾ ആരും പ്രതീക്ഷിച്ചില്ല ഇനി ഈ ഹോസ്പിറ്റലിൽ മൊത്തം കൊറോണ രോഗികൾ ആയിരിക്കും എന്ന് ...
അമീർ എന്ന ഏരിയാൽ ഉള്ള ആൾ വന്ന ശേഷം ആണ് ഐസൊലേഷൻ വാർഡിൽ ഡ്യൂട്ടി ഇട്ടത് ... ആദ്യം ഒന്ന് പകച്ചുപോയി .. വഹട്സപ്പിലും പത്രത്തിലും ഒക്കെ അയാളുടെ ധികാര കഥകൾ വർണിച്ചു jആഘോഷിക്കുന്ന സമയം.. എന്റെ മനസ്സിൽ വല്ലാത്ത ഭയം ആയിരുന്നു ..... അയാൾ വല്ലതും ചെയ്താലോ..... അപ്പോൾ വേറെ 8 രോഗികൾ കൂടി എട്ടു റൂമിൽ ആയി അവിടെ ഉണ്ട്... രാവിലെ 8 മണിക്കാണ് ഡ്യൂട്ടി ഇട്ടത് .. രാത്രി തിരിഞ്ഞും മറിഞ്ഞും കിടന്നിട്ടും ഉറക്കം വന്നില്ല .. ലോകത്തിൽ ഉള്ള എല്ലാ പ്രവാസികളെയും ശപിച്ചു ...
പുലർച്ച 4മണിക്ക് എഴുന്നേറ്റു ഭക്ഷണം ഒന്നും കഴിക്കാൻ തോന്നിയില്ല... തൂക്കുമരത്തിലേക്ക് പോകുന്ന ഒരാൾക്ക് ഉണ്ടാകുന്ന ഭയം ... ഇനി ഒരിക്കലും എനിക്കെന്റെ മക്കളെ കാണാൻ പറ്റില്ലേ എന്ന തോന്നൽ ... മക്കളോടും ഐസൊലേഷൻ വാർഡിൽ ആണെന്ന് പറഞ്ഞില്ല ...
PPE എന്ന ഡ്രസ്സ് അതുവരെ ഉപയോഗിച്ചിട്ടില്ല ...നിപ്പ യുടെ സമയം ഇടയ്ക്കിടെ അതു ധരിക്കുന്നതിനെ കുറിച്ച് ട്രെയിനിങ് കിട്ടിയിരുന്നു ... ആദ്യം വലതു കാൽ വെച്ചു പേ വാർഡിനകത്ത് കയറി ... അവിടെ വാതിലിനു അടുത്ത് തന്നെയാണ് ഡ്യൂട്ടി room... തൊട്ടപ്പുറം ഒരു റൂമിൽ PPE ഡ്രസ്സ് അടുക്കി വെച്ചിട്ടുണ്ട്..ശരീരത്തിന് ആകെ ഒരു വിറയൽ .. കാൽ ഒന്നും നിലത്തു ഉറക്കുന്നില്ല.... ദാഹിക്കുന്ന പോലെ തോന്നി . ഒരു കുപ്പി വെള്ളം ഒറ്റയടിക്ക് വലിച്ചു കുടിക്കാനുള്ള ദാഹം ... പാടില്ല ... കുടിച്ചാൽ ബാത്‌റൂമിൽ പോകാൻ തോന്നും ... PPE ഇട്ടാൽ പിന്നെ അതു ഊരി മാറ്റി കുളിച്ചു മാത്രമേ വെള്ളം കുടിയും ബാത്ത് റൂമിൽ പോക്കും ഒക്കെ നടക്കൂ..
ആദ്യം PPE കയ്യിൽ എടുത്ത് കവർ പൊട്ടിച്ചു അതിനകത്തു നീളം കൂടിയ ഒരു ഉടുപ്പ് ... ഒരു ജോഡി ഗ്ലൗസ്. മാസ്ക് കണ്ണട , ഷൂ കവർ എന്നിവ ... ആദ്യം നന്നായി ഹാൻഡ് വാഷ് ഇട്ടു കൈ കഴുകി , പിന്നെ ഹാൻഡ് റബ്ബ് ഇട്ടു കൈ ഒന്നുകൂടി വാഷ് ചെയിതു .. ppe യിലെ ഒരു ജോഡി ഗ്ലൗസ് കയ്യിൽ ധരിച്ചു .. എന്നിട്ട് വീണ്ടും ഹാൻഡ് റബ്ബ് ചെയിതു ..പേപ്പർ സെല്ലോ ടാപ് വെച്ചു ഗ്ലൗസ് ഒന്നുകൂടി മുറുക്കി .... പിന്നെ ഒരു കസേരയിൽ ഇരുന്നു പ്ലാസ്റ്റിക്ക് കാലുറ ചെരുപ്പിന്റെ മുകളിൽ ഇട്ടു ... നീളൻ ഉടുപ്പിന്റെ സിബ്ബ് തുറന്നു ചുരുട്ടി പിടിച്ചു രണ്ടു കാലും അതിനകത്തു കയറ്റി ശേഷം രണ്ടു കയ്യും ഉടുപ്പിനുളളിൽ കയറ്റി സിബ്ബ് അടച്ചു വെച്ചു ... വീണ്ടും ഹാൻഡ്റബ്ബ് ചെയിതു സാധാരണ മാസ്ക് രണ്ടെണ്ണം മൂക്കിന് മുകളിൽ കെട്ടിവെച്ചു .. എന്നിട്ട് PPE യിലെ N95 mask ധരിച്ചു ... നീളൻ കുപ്പായം തലയിലേക്ക് വലിച്ചു കേറ്റി ... ഗൂഗിൾ വെച്ചു ... പിന്നെ കണ്ണാടിയിൽ നോക്കി ശരീരഭാഗം എവിടെയെങ്കിലും പുറത്തു കാണുന്നുണ്ടോ എന്ന് ഒന്നുകൂടി ഉറപ്പ് വരുത്തി ... കാണുന്ന ഭാഗം പേപ്പർ സെല്ലോ ടാപ് വെച്ചു ഒട്ടിച്ചു .. വീണ്ടും നീളൻ കുപ്പായത്തിന്റെ കയ്യുടെ അറ്റത്തു ഉടുപ്പ് ചേർത്ത് വെച്ചു വീണ്ടും രണ്ടു ഗ്ലൗസ് .. അതും ഒട്ടിച്ചു വെച്ചു . എന്റെ പവർ ഗ്ലാസ്സുള്ള കണ്ണടയുടെ മുകളിൽ കൂടി വേറൊരു പ്ലാസ്റ്റിക്ക് കണ്ണട വെച്ചതോടെ പിന്നെ ഒന്നും കാണാത്ത പോലെ ആയി ... ആകെ മങ്ങൽ ... വെള്ളം കുടിക്കാൻ തോന്നി ... വിയർക്കാൻ തുടങ്ങി .... .. ഹൈ സ്പീഡിൽ കറങ്ങുന്ന ഫാൻ വരെ എന്റെ അവസ്‌ഥ കണ്ടു കരഞ്ഞു പോയിട്ടുണ്ടാകും ... ആ റൂമിൽ നിന്നും ഇറങ്ങി ... ഇനി എവിടെയും തൊടാൻ പാടില്ല ... വിയർത്തു വിയർത്തു മാസ്കിൽ നിന്നും വെള്ളം താഴേക്ക് ഒഴുകാൻ തുടങ്ങി .. വസ്ത്രം ദേഹത്തു ഒട്ടിപിടിക്കാൻ തുടങ്ങി ... ഇത് ഊരി എറിഞ്ഞു ഓടാൻ തോന്നി ... പിന്നെ നേരെ രോഗിയുടെ അടുത്തേക്ക്.... 
അമീറിന്റെ റൂമിൽ ആണ് ആദ്യം കയറിയത് .... അമീർ വല്ലതും ചെയ്താലോ ... ഹൃദയം പടപാടാ മിടിക്കുന്നു .. അമീർ മാസ്ക് കെട്ടി പുറം തിരിഞ്ഞു കൊണ്ട് സിസ്റ്ററെ എനിക്ക് ഒരു ഗ്ലാസ് കട്ടൻ ചായ കൊണ്ട് തരുമോ എന്ന് വളരെ ദയനീയമായി ചോദിച്ചപ്പോൾ അയാളെ കുറിച്ചുള്ള എല്ലാ മുൻവിധി യും മാറ്റി ഞാൻ കട്ടൻ ചായ ക്യാന്റീനിൽ വിളിച്ചു പറഞ്ഞു എത്തിച്ചു കൊടുത്തു ..ഒന്നുരണ്ടു പ്രാവശ്യം വീട്ടിൽ നിന്നും കട്ടൻ ചായ ഉണ്ടാക്കി ഫ്ലാസ്ക്കിൽ ഒഴിച്ച് കൊണ്ട് കൊടുത്തു താങ്ക്സ് സിസ്റ്ററെ ... കുറച്ചു മാറി നിന്നോ ഞാൻ കാരണം ഒരാൾക്കും രോഗം വരാൻ പാടില്ല .. ബ്ലീച്ചിങ് വെള്ളം കലക്കി വെച്ചു ബാത്ത് റൂമിൽ ഒഴിച്ച് കഴുകി കൊടുത്തപ്പോൾ വേണ്ട സിസ്റ്ററെ ഞാൻ ചെയ്‌തോളാം .... . ഇടിയപ്പവും കറിയും കൊണ്ടുകൊടുത്തപ്പോൾ സന്തോഷത്തോടെ വാങ്ങി... പാല് വേണ്ട ... പഴം പൊരി വേണ്ട... 11 മണിക്ക് കൊടുക്കുന്ന lassy ജ്യൂസും വേണ്ട .....ഞാൻ ഓരോന്ന് ചോദിച്ചു അടുത്ത് നിന്നപ്പോൾ ഭയങ്കര സന്തോഷമായി ... സിസ്റ്റർക്ക് പേടിയൊന്നും ഇല്ലേ ആരും മിണ്ടാൻ വരാറില്ല...എല്ലാവരും കുറ്റപ്പെടുത്തി ..ഒറ്റപെടുത്തിയപ്പോൾ സിസ്റ്റർക്ക് മാത്രം എന്തെ പേടിയില്ലാത്തത്... ഒറ്റപെട്ടു പോകുന്ന മനുഷ്യരുടെ വേദന എനിക്കറിയാം അത്കൊണ്ട് അമീർ പേടിക്കേണ്ട ...എന്നും ഞങ്ങൾ എല്ലാവരും കൂടെ ഉണ്ടാകും ... എന്ത് ആവശ്യമുണ്ടെങ്കിലും പറയാം അതോടെ അമീർ ഹാപ്പി ആയി ഞാനും ഹാപ്പി ആയി ..... പേര് പറ സിസ്റ്ററെ എന്ന് പറയും .. ഞാൻ അവസാന ദിവസം ആണ് പേര് പറഞ്ഞത്.
തൊട്ടപ്പുറത്തെ റൂമിൽ ഉള്ളആൾക്ക് എന്നും പരാതി മാത്രമേ ഉള്ളൂ... ബെഡ് ഷീറ്റ് വേണം സോപ്പ് പൊടി വേണം പഞ്ചസാര വേണം .. എല്ലാം എത്തിച്ചു കൊടുക്കും.. അതോടെ അവനും എന്നെ വലിയ കാര്യമായി ... ഓരോ സങ്കടങ്ങളും പറയും ഉമ്മയുടെ ഉമ്മ മരിച്ചു ഗൾഫിൽ നിന്നും വന്ന പിറ്റേന്ന് അവിടെ പോയ് .. 6 പേർക്ക് കൂടി രോഗം ഉണ്ടാക്കി കൊടുത്ത മഹാ പാപി യായി പോയ് ... ഞാൻ സമാധാനിപ്പിക്കും സാരമില്ല രോഗം എല്ലാവര്ക്കും വരും .. ഇനി ഒന്നിനെ പറ്റിയും ദുഖിച്ചിട്ട് കാര്യമില്ല . അവനു സന്തോഷം ആകും . ചേച്ചി എന്നു മാത്രമേ വിളിക്കൂ ... ചേച്ചിക്കു ഡ്യൂട്ടി തീരുന്നതിനു മുമ്പ് ഹോസ്പിറ്റലിൽ നിന്നും പോകാൻ പറ്റുമോ എന്ന് ചോദിക്കും അവൻ ഇന്നലെ ഡിസ്ചാർജ് ആയി ... ഒരു പാട് കരഞ്ഞു .... നിങ്ങളൊക്കെ ദൈവം ആണോ എന്നൊക്ക ചോദിച്ചു ....
തൊട്ടപ്പുറത്തെ റൂമിൽ ഉണ്ടായ ഗഫൂർ.... ഞാൻ ഇച്ചാ എന്ന് വിളിച്ചാൽ മോളെ എന്ന് വിളി കേൾക്കും . വൃത്തിയുടെ കാര്യത്തിൽ ഗഫൂർച്ചാനെ തോല്പിക്കാൻ വേറെ ആരും ഉണ്ടാവില്ല .. ഒരു ദിവസം 3 പ്രാവശ്യം ബെഡ് ഷീറ്റ് മാറ്റണം .... ബ്ലീച്ചിങ് പൌഡർ ഇടയ്ക്കിടെ എടുത്ത് ബാത്ത് റൂമിൽ ഇടും ... എന്നിട്ട് ബ്ലീച്ചിങ് പൌഡർ വേണം എന്നു പറയും .. ഇച്ച എന്താ ഈ ബ്ലീച്ചിങ് പൌഡർ തിന്നുകയാണോ എന്ന് ചോദിച്ചാൽ പറയും അണുക്കൾ ചാവട്ടെ എന്ന് ...
തൊട്ടപ്പുറത്തെ റൂമിൽ ഉള്ള അബ്ദുള്ള ആദ്യമൊന്നും മിണ്ടില്ല .. പുറംതിരിഞ്ഞു കിടക്കും ... ഒരു mindum ഇല്ല ... ഞാൻ വിളിച്ചോണ്ടിരിക്കും ...പിന്നെ പിന്നെ മിണ്ടാൻ തുടങ്ങി സംസാരിക്കാൻ തുടങ്ങി ഓരോ സങ്കടങ്ങൾ പറയാൻ തുടങ്ങി ...കുടുംബം പോറ്റാൻ ഗൾഫിൽ പോയത് ... സഹോദരിമാരെ കെട്ടിച്ചു വിടാൻ അറബിയുടെ മക്കളുടെ എച്ചിൽ പാത്രം വരെ കഴുകിയത് ... ഇപ്പോൾ രോഗം വന്നു .. ആർക്കും വേണ്ട ... എല്ലാവരും നികൃഷ്ട ജീവിയെ പോലെ നോക്കുന്നു .... സമാധാനിപ്പിക്കാൻ ഒരുപാട് ബുദ്ദിമുട്ടി .. അടുത്ത് പോയ് പുറം തടവി കൊടുത്തു ആശ്വസിപ്പിക്കാൻ ഒക്കെ തോന്നി ... പക്ഷെ പാടില്ല ... രോഗിയിൽ നിന്നും അകലം പാലിച്ചല്ലെ പറ്റൂ ... നാളെ ബറാ അ ത്തു ആണ് മോളെ എനിക്ക് നോമ്പ് നോക്കണം അതിനു പറ്റില്ലേ എന്ന് വളരെ സങ്കടത്തോടെ പറഞ്ഞപ്പോൾ .... നോക്കി കോളൂ അതിനെന്താ കുഴപ്പം എന്ന് പറഞ്ഞപ്പോൾ മുഖത്തു ഉണ്ടായ സന്തോഷം... പിറ്റേന്ന് നോമ്പ് തുറക്കാനുള്ള ഈത്തപ്പഴം കൊണ്ട് കൊടുത്തു ...
തൊട്ടടുത്ത റൂമിൽ ഉള്ള ഭാര്യയും ഭർത്താവും ...ഭർത്താവ് ഒരു പാവം ഭാര്യ ഓരോ കാര്യത്തിനും ഭർത്താവിനെ കുറ്റപ്പെടുത്തി കൊണ്ടിരിക്കും ...ഇങ്ങനെയാണെങ്കിൽ രണ്ടാളെയും cരണ്ടു റൂമിൽ ആക്കും എന്ന് പറഞ്ഞപ്പോൾ ഓറേ പിരിഞ്ഞിരിക്കാൻ പറ്റില്ല എന്ന് ഭാര്യ ... അവർ കോൺടാക്ട് വഴി രോഗം വന്നവർ ആണ് .. അവസാന ദിവസം ഞാൻ യാത്ര ചോതിച്ചപ്പോൾ രണ്ടാളും കൂടി അവിടെ ഉണ്ടായ ആപ്പിളും മുന്തിരി യും ഒക്കെ പൊതിഞ്ഞു കെട്ടി എനിക്ക് തന്നു ഞാൻ വാങ്ങിയില്ല .. എനിക്ക് വാങ്ങാൻ പറ്റില്ലഎന്ന് പറഞ്ഞപ്പോൾ സുഖമില്ലാത്ത കാര്യം മറന്നുപോയി എന്ന് പറഞ്ഞു കരഞ്ഞു ... എനിക്ക് സങ്കടം വന്നുപോയി.
ആദ്യമൊക്കെ 5 മണിക്കൂർ ആയിരുന്നു ഡ്യൂട്ടി ... piന്നെ അതു 4 മണിക്കൂർ ആക്കി ഈ 5 മണിക്കൂർ ppe ഡ്രെസ്സിൽ കഴിച്ചു കൂട്ടിയ ഓര്മ വരുമ്പോൾ തന്നെ എനിക്കിപ്പോൾ വിയർക്കാൻ തുടങ്ങുന്നു .. ആ ഡ്രസ്സ് ഊരി മാറ്റാൻ ഒരു room വേറെ ഉണ്ട് .
അവിടെ മഞ്ഞ കവർ വെച്ച ബക്കെറ്റ് ഉണ്ട് ... ആദ്യം ഒരു ഗ്ലൗസ് ഊരി ഹാൻഡ് റബ്ബ് ചെയ്യുന്നു ... അതിനു ശേഷം ppe ഗൂഗിൾ ഊരി മാറ്റുന്നു .. വീണ്ടും ഹാൻഡ് റബ്ബ് ചെയ്യുന്നു ... തലയിലെ നീളൻ കുപ്പായത്തോടു കൂടിയുള്ള തൊപ്പി ഉള്ളിൽ കയ്യിട്ട് താഴേക്ക് വലിക്കുന്നു .. പിന്നെ ഡ്രെസ്സിന്റെ പുറം ഭാഗം എവിടെയും സ്പർശിക്കാൻ പാടില്ല....ppe. ഡ്രെസ്സിന്റെ ഉള്ളിൽ കൈ ഇട്ടു കൊണ്ട് തന്നെ ഒരു കൈ ഊരി മാറ്റി ഉൾവശം പുറത്തു വരാവുന്ന രീതിയിൽ പതുക്കെ പതുക്കെ മറ്റേ കയ്യും ഊരി ചുരുട്ടി കാലും ഊരി മാറ്റുന്നു ... പുറം ഭാഗം മൊത്തം ഉള്ളിൽ വരുന്ന cരീതിയിൽ ചുരുട്ടി മഞ്ഞ കവറിൽ ഇടുന്നു ... കാലിന്റെ പ്ലാസ്റ്റിക് ഷൂ പുറം വശം ഉള്ളിൽ വരുന്ന രീതിയിൽ ഊരി മഞ്ഞക്കവറിൽ ഇടണം പിന്നെ ഒരു ഗ്ലൗസ് കൂടി അഴിച്ചുമാറ്റി ഹാൻഡ് റബ്ബ് ചെയിത ശേഷം covid മാസ്ക് ഊരി മാറ്റി മഞ്ഞ കവറിൽ ഇടുന്നു ... ഹാൻഡ് റബ്ബ് ചെയിതു നന്നായി കവർ കെട്ടി വെച്ചു മറ്റേ രണ്ടു മാസ്കും ഊരി തൊട്ടപ്പുറത്തുള്ള മഞ്ഞ കവറിൽ ഇടുന്നു ... ഹാൻഡ് റബ്ബ് ചെയിതു അവസാന ഗ്ലൗസും ഊരി തൊട്ടപ്പുറത്തെ റൂമിൽ പോയ് കുളിച്ചു ഉപയോഗിച്ച ഡ്രസ്സ് ബ്ലീച്ചിങ് വെള്ളത്തിൽ ഇട്ടു അര മണിക്കൂർ കഴിഞ്ഞു അലക്കി എടുക്കണം .. ചെരുപ്പ് ബ്ലീച്ചിങ് വെള്ളത്തിൽ അര മണിക്കൂർ മുക്കി വെക്കണം...പിന്നെ അവിടെ നില്ക്കാൻ പാടില്ല ... വേറെ ഡ്രസ്സ് ഇട്ടു മാസ്ക് ഇട്ടു പുറത്തിറങ്ങണം ..
എന്തൊരു ആശ്വാസം ..കൊറോണ ഡ്യൂട്ടി എടുക്കുന്ന . സ്റ്റാഫിന് ഭക്ഷണം ഫ്രീ ആണ്... രോഗികൾക്ക് വേണ്ടി ക്യാന്റീനിൽ തന്നെയാണ് ഭക്ഷണം .... മീൻ കിട്ടാത്ത ഈ സമയത്തു പോലും തോണിയിൽ പിടിക്കുന്ന ചെറിയ മീൻ അവിടെ കിട്ടാറുണ്ട് ... അല്ലാത്ത ദിവസം ഉണക്ക മീൻ ഉണ്ടാകും ...സാമ്പാർ പുളിശ്ശേരി അച്ചാർ പപ്പടം തോരൻ ഒക്കെ അടങ്ങിയതാണ് ഭക്ഷണം ... വൈകുന്നേരം പഴം പൊരി ചായ ...രാത്രി ചിക്കെൻ കറി ചപ്പാത്തി ചോറ് ...രോഗി കൾ അവശ്യ പെടുന്ന ഭക്ഷണം നേരത്ത ചോദിച്ചു മനസ്സിലാക്കി ഉണ്ടാക്കി കൊടുക്കുന്നു ഇടയ്ക്കിടെ ബിരിയാണി ...
കടപ്പാട് :നമ്മുടെ കാസറഗോഡ്
Happy vishu ❤️
No comments:
Post a Comment