ജസ്റ്റിസ് രജീന്ദര് സച്ചാറിന്റെ കണ്ടെത്തലിനെ തുടര്ന്ന് സംസ്ഥാന സര്ക്കാര് ആവിഷ്കരിച്ച സി.എച്ച് മുഹമ്മദ്കോയ സ്കോളര്ഷിപ്പ് മിടുക്കരായ വിദ്യാര്ത്ഥിനികള്ക്ക് ഏറെ അനുഗ്രഹമാകുന്നു. സംസ്ഥാന ന്യൂനപക്ഷ വകുപ്പിന് കീഴിലാണിത് നടപ്പാക്കുന്നത്.
ബിരുദ വിദ്യാര്ത്ഥികള്ക്ക് 4000 രൂപയും ബിരുദാനന്തര ബിരുദക്കാര്ക്ക് 5,000 രൂപയും പ്രൊഫഷണല് കോഴ്സുകള്ക്ക് 6,000 രൂപയും ഹോസ്റ്റല് സ്റ്റൈപ്പന്റായി 12,000 രൂപയുമാണ് വര്ഷത്തില് ലഭിക്കുക.
3,000 ബിരുദക്കാരും 1,000 ബിരുദാനന്തര ബിരുദക്കാരും 1,000 പ്രൊഫഷണല് കോഴ്സുകാരും 2,000 ഹോസ്റ്റലില് താമസിക്കുന്നവരുമാണ് സ്കോളര്ഷിപ്പിന് അര്ഹര്
ഗവണ്മെന്റ്, എയ്ഡഡ് സ്ഥാപനങ്ങളില് പഠിക്കുന്ന
സംസ്ഥാന സര്ക്കാറിന്റെ ഫണ്ടാണ് ഇതിന് ഉപയോഗിക്കുക. പ്രൊഫഷണല് കോഴ്സിന് പൊതുപ്രവേശന പരീക്ഷ എഴുതി സര്ക്കാര് മെറിറ്റില് സ്വാശ്രയ സ്ഥാപനങ്ങളില് പഠിക്കുന്ന വിദ്യാര്ത്ഥിനികള്ക്കും സ്കോളര്ഷിപ്പിന് അര്ഹതയുണ്ട്. ആദ്യവര്ഷം അപേക്ഷിക്കാന് കഴിയാത്തവര്ക്കും അപേക്ഷ നല്കാം.
വിദ്യാര്ത്ഥികള് ,
വെബ്സൈറ്റില് ലഭ്യമാക്കുന്ന ഫോറത്തില് ഓണ്ലൈനായി അപേക്ഷിക്കാം. അപേക്ഷ കോളജ് വിദ്യാഭ്യാസ വകുപ്പിന്റെ വെബ്സൈറ്റില് ( www.dcescholarship.kerala.gov.
അപേക്ഷകള് അതത് സ്ഥാപനങ്ങളില് സൂക്ഷിക്കേണ്ടതാണ്. സ്വാശ്രയ സ്ഥാപനങ്ങളില് പഠിക്കുന്നവരുടെ അപേക്ഷ സ്ഥാപന മേധാവി നേരിട്ട് സ്കോളര്ഷിപ്പ് ഓഫീസിലേക്ക് എത്തിക്കേണ്ടതാണ്. ആദ്യവര്ഷ സ്കോളര്ഷിപ്പ്, ഹോസ്റ്റല് ചാര്ജ് ലഭിച്ചവര്ക്ക് പഠനം തുടരുകയാണെങ്കില് തുടര്ന്നുള്ള വര്ഷങ്ങളിലും മാര്ക്ക് പരിഗണന കൂടാതെ പുതുക്കി നല്കും. ഹോസ്റ്റലില് താമസിക്കുന്നവരാണെങ്കില് ഇന്മേറ്റ് സര്ട്ടിഫിക്കറ്റ് സമര്പ്പിക്കണം. മറ്റ് രേഖകള് ഒന്നുംതന്നെ പുതുക്കല് അപേക്ഷയോടൊപ്പം സമര്പ്പിക്കേണ്ട.
അപേക്ഷ സമര്പ്പിക്കേണ്ട വിശദാംശങ്ങള് വെബ്സൈറ്റില് ലഭിക്കും. കോളജ് വിദ്യാഭ്യാസ വകുപ്പ് മുഖേന വിതരണം ചെയ്യുന്ന മറ്റ് സ്കോളര്ഷിപ്പുകളുടെ വിശദവിവരങ്ങള് വെബ്സൈറ്റില് ലഭിക്കും.ന്യൂനപക്ഷ വിഭാഗങ്ങളില്പെട്ട വിദ്യാര്ത്ഥിനികളും രക്ഷിതാക്കളും ഇക്കാര്യത്തില് വേണ്ടത്ര ബോധവാന്മാരല്ലെന്ന് അപേക്ഷകള് വ്യക്തമാക്കുന്നു. കഴിഞ്ഞ മൂന്നുവര്ഷത്തില് 21,000 അപേക്ഷകള് വേണ്ടിടത്ത് 6,500 അപേക്ഷകള് മാത്രമാണ് ലഭിച്ചത്. 2012ല് മൂന്നുതവണ അപേക്ഷാതീയതി നീട്ടിയിട്ടും വേണ്ടത്ര അപേക്ഷ ലഭിക്കുകയുണ്ടായില്ല.
യു.ഡി.എഫ് സര്ക്കാര് സ്കോളര്ഷിപ്പ് സംഖ്യ 1000 രൂപ മുതല് 2000 രൂപവരെ വര്ധിപ്പിക്കുകയും വാര്ഷിക കുടുംബ വരുമാനം രണ്ടര ലക്ഷത്തില്നിന്ന് നാലര ലക്ഷമാക്കുകയും ചെയ്തു. മത- രാഷ്ട്രീയ- സന്നദ്ധ സംഘടനകള് ന്യൂനപക്ഷാവകാശങ്ങള് നേടിയെടുക്കുന്നതില് സജീവ ഇടപെടലുകള് നടത്തിയില്ലെങ്കില് ആനുകൂല്യങ്ങള് അര്ഹരില് എത്തിക്കാനാവില്ല.
|
