ഈ ന്യൂസിലാൻഡ് ജനത നമ്മെ അത്ഭുതപ്പെടുത്തുന്നു.
അവർ നാം തന്നെയാണ്. അവർ നമ്മൾ തന്നെയായത് കൊണ്ടാണ് അവരുടെ ദു:ഖത്തിൽ നമ്മളും പങ്ക് ചേരുന്നത്. അവരെ നോക്കേണ്ട വലിയ ഉത്തരവാദിത്തം നമുക്കുണ്ട്.
മാർച് 15 ലെ ഭീകരാക്രമണ ശേഷം അവിടത്തെ ഭരണാധികാരികളുടെയും
ജനതയുടെയും ഇടപെടലുകൾ, പെരുമാറ്റങ്ങൾ ഒക്കെ തന്നെയും വർത്തമാന കാലത്ത് നമുക്ക് പരിചിതമല്ലാത്തതാണ്. ഇസ്ലാമോഫോബിയ സൃഷ്ടിച്ചു കൊണ്ട് ഒരു ജനതയെ ഭീതിയോടെ നോക്കിക്കാണാൻ പഠിപ്പിച്ച സമയത്ത് തന്നെ അവരെ ചേർത്ത് നിർത്താനും അവർക്കുണ്ടായ നഷ്ടങ്ങൾ എങ്ങനെ പരിഹരിക്കാം എന്നും ചിന്തിച്ചു അവരോടൊപ്പം അവരിൽ ഒരാളായി ഓടി നടക്കുന്ന ഭരണാധികാരിയും അവരുടെ സംവിധാനങ്ങളും നമ്മെ ശരിക്കും അത്ഭുതപ്പെടുത്തുന്നു.
